Li paytext Kabûlê li mizgeftekê teqîn çêbû. Teqîn piştî nimêja înê çêbû. Li gorî polîsan bi kêmanî 12 kes mirin û 15 kes birîndar bûn.

Di roja duyan a agirbestê de ku ji bo cejna Remezanê hatibû kirin DYE'yê hemû hêzên xwe yên leşkerî ji baregeha hewayî ya Kandaharê kişandibû.

Tê payin DYE û hevalbendên wê heta 11'ê Îlonê hemû hêzên xwe ji Efganîstanê vekişînin. Piştî vekişînê kêm kes dibêjin hêzên Efgan dikarin li dijî Talîbanan bisekinin.

Van heftiyên dawî şer giran bû. Talîbanan roja Sêşemê navçeyeke li nêzî Qabûlê ya di dest hikûmetê de kire destê xwe. Dorpêça Talîbanan a li dora navendên mezin her ku diçe zêde dibe. Tê gotin Talîban ji bo operasyoneke mezin li hêviyê ku hêzên Emerîkî vekişin.