Li Burkîna Fasoyê bi kêmanî 138 sivîl hatin kuştin
Li Burkîna Fasoyê li gundekî bakur derengiya şevê êrîşeke bi çekdarî çû ser gundekî û bi kêmanî 138 sivîl hatin kuştin.
Li Burkîna Fasoyê li gundekî bakur derengiya şevê êrîşeke bi çekdarî çû ser gundekî û bi kêmanî 138 sivîl hatin kuştin.
Êrîşkaran gundê Solhanê kirin hedef, ku gund bi ser bajarê Yaghayê ve ye û li ser sînorê Nîjerê dimîne.
Li gorî saloxdariyên hikûmetê êrîşkaran gundî kuştin, mal û cihê bazarê dane ber êgir.
Hikûmetê ji êrîşkaran re got, 'terorîst', heta vê gavê ti komê ev komkujî li xwe negirtiye.
Li herêma Sahelê ji serê salê û wir ve komên cîhadî yên radîkal ên bi ser El Qaîde û DAÎŞ'ê ve êrîşan tînin.
Êrîşan bêhtir dibin ser Burkîna Faso, Malî û Nîjerê. Berdêla giran sivîl didin.
Piştî komkujiya li Burkîna Fasoyê şîna netewî ji bo 72 saetan hate ragihandin.
Bi êrîşa komên çete yên ku bi 'çete'tiyê têne binavkirin, ji sala 2015'an û wir ve li Burkîna Fasoyê zêdetirî 1400 kesî hatine kuştin, ji milyonekê zêdetir mirhov ji bêgavî şûnwarên xwe berdan.