Li gorî saloxdariyên Komîteya Herêmanên Çandinî, Av û Çiravê ya Parlamentoya Iraqê li welêt ku 32 milyon hektar zeviyên çandinê hene, her salê 100 hezar hektar jê dibe çol.

Endamê Komîteyê Elî El Budaîrî got kêmbûna avê û germbûna hewayê qadên çandinê yên welêt dikuje. Budaîrî diyar kir li welêt deverên şînkahî her ku diçe zêdetir dibine çol û got rojên pêş ew ê kêmbûna avê gotebêj bikin.

El Budaîrî diyar kir Iraq rêbaza çandinyê ya rêz û rêçikî diemilîne û bi destlêragiriyê rezervên avê nayê bikaranîn. Budaîrî her wiha got bendavên nû têne danîn ji bo demên ziwabûnê bêna bikaranîn.

Li Iraqê çandinî bi giştî li ser ava Ferêt û Dîclê ye. Ji ber ku Tirkiye gelek caran avê dibire van salên dawî li Iraqê av kêm dibe û her wiha ji ber ku şilî jî kêm bûye, çol zêde dibin.