Di şapeya li Elmanyayê de 42 kes mirin, bi dehan kes jî winda ne
Ji ber baran û şapeya li gelek bajarên Ewropa pêk hat, jiyan tevizî. Li Elmanyayê bi kêmanî 42 kes mirin.
Ji roja Çarşemê û vir ve bi taybet li Belçîka, Luksembûrg, Hollanda û Elmanyayê baran pir bariya.
Gelek gund û bajarên li herêma Valon a Belçîkayê man di bin avê de, bi kêmanî 6 kes mirin.e Li Luksembûrg û Hollandayê jî ziyanên mezin hene.
Herî zêde ji vê yekê rojavayê Elmanya bandor bûye. Serokwezîr Angela Merkel got: “Gelek mirov li herêmên mane di bin avê de neçarin li gorî rewşa heyî tev bigerin, li ber karesatê matmayî mame.”
⚠️ Des #inondations majeures touchent l'ouest de l'#Allemagne. Selon la police, plusieurs maisons se sont effondrées ou ont été emportées. Des dizaines d’habitants se sont réfugiés sur les toits. Il y a au moins "4 morts et 50 disparus" notamment dans la commune de #Schuld… @LCI pic.twitter.com/FmqqZtobpN
— Guillaume Woznica (@GWoznica) July 15, 2021
Li navçeya Ahrweîler derdorî 20 kes mirine. 6 malên li ber peravê çemê navçeya Schûld a dikeve başûrê bajarê Bonê hilweşiyan. Polîsan ragihand ku navbera 50-60 kes winda ne.
Ji sibeha Pêncşemê û vir ve elektirîk nayê dayîna 135 hezar malî. Artêşa Elmanyayê jî ji bo herêmên herî zêde ji vê bandor bûne, derdorî 300 leşker bixin nava tevgerê.
