Îtalyayê penaberek jî venehewand
141 penaber roja Duşemê ji aliyê keştiya bi navê Aqûarîûs ve hatin rizgarkirin. Îtalyayê yek ji van penaberan jî qebûl nekir û bang li Îngilîstan û welatên din ên Yekîtiya Ewropayê kir ku deriyên xwe vekin.
141 penaber roja Duşemê ji aliyê keştiya bi navê Aqûarîûs ve hatin rizgarkirin. Îtalyayê yek ji van penaberan jî qebûl nekir û bang li Îngilîstan û welatên din ên Yekîtiya Ewropayê kir ku deriyên xwe vekin.
Rêxistina civakî ya sivîl a bi navê SOS Derya Spî bi Doktorên Sînornenas re operasyoneke hevpar a rizgarkirinê meşand û li peravên Lîbyayê gelek penaber rizgar kir.
Îtalyayê ji 141 penaberên hatine rizgarkirin yek jî venehewand û bang li welatên Yekîtiya Ewropayê kir ku bi berpirsyarî rabin.
Wezîrê Karên Hundir ê Îtalyayê Matteo Salvînî got, "Li Îtalyayê nikarin biçin her devera ku dixwazin."
Partiya bi navê La Lîgûe ya rastgir jî ji bo "pêşîgirtina li bazirganên mirovan" bang kir û diyar kir ku keştiya bi navê Aqûarîûs divê biçe Fransa, Îngilîstan, Elmanya û Maltayê.
Keştiya bi navê Aqûarîûs, ji bo li benda biryara hikumeta nû ya Îtalyayê bimîne, meha Hezîranê 9 rojan li deryayê sekinîbû. 650 penaber jî çûbûn Spanyayê. Spanyayê deriyên xwe li penaberên nû venekir.