Meclîsa Malbatên Şehîdan li Hesekê bi merasîmekê nasnameya şervanekî Yekîneyên Parastina Gel (YPG) Aras Seydo yê di sala 2014’an de di berxwedana li hember êrîşên çeteyên DAIŞ`ê yên li dijî Kobanê de şehîd bûyî, eşkere kir.

Merasîm li Goristana Şehîd Dijwar a li gundê Dawûdiye hate lidarxistin. Di merasîmê de bi navê Meclîsa Malbatên Şehîdan hevseroka Meclîsa Malbatên Şehîdan a Kampa Serêkaniyê Eyde Semo axivî û destnîşan kir ku şehîd Aras ji bo parastina axa welêt şehîd bû.

Ji fermandarên Hêzên Sûriya Demokratîk (QSD) Şiyar Hesekê axivî û soza şopandina rêya şehîdan da.,

Piştre endama Meclîsa Malbatên Şehîdan Rojda Ehmed belgeya şehadetê xwend û radestî malbatê kir.

Nasnameya şehîd wiha ye:

Nav û paşnav: Aras Seydo

Nasnav: Rustem Cûdî

Dîroka tevlêbûnê: 2013

Cih û dîroka şehadetê: Kobanê, Kanûna 2014`an.