Îro partî û rêxistinên jinan ên Kurd, Ereb û Suryan ên li Bakur û Rojhilatê Sûriyê têkildarî tecrîda li ser Rêberê Gelê Kurd Abdullah Ocalan daxuyanî da. Endama Însiyatîfa Sûriyê ya ji bo azadiya Rêberê Gelê Kurd Abdullah Ocalan Xîtam Mihemed daxuyanî li pêşiya avahiya Têkiliyan û Şêwira Dîplomatîk a li Qamişloyê xwend.

Partiyan di daxuyaniyê de diyar kir ku hêzên komploger bi armanca şikandina vîna gelê Kurd û hedefgirtina Rojhilata Navîn komploya navneteweyî ya li dijî Rêberê Gelê Kurd Abdullah Ocalan pêk anî.

Her wiha îşaret bi raproên CPT’yê kir û bang li Meclisa Ewropayê kir ku agahiyên dîtir der bar rewşa birêz Ocalan de parve bike.

Partiyan û rêxistinên jinan di daxuyaniyê de got: “Têkoşîna Birêz Ocalan û Tevgera Rizgariya Kurdistanê, têkoşîneke rewa ya diyarkirina çarenûsa xwe ye. Her wiha armanc dike, doza gelê Kurd û gelên Rojhilata Navîn çarser bike û êdî doza Kurd li herêmê bûye dozeke sereke û bêyî çareserkirina wê aştî û aramî li herêmê û Kurdistanê pêk nayê.”

Partiyan diyar kirin ku azadiya Rêberê Gelê Kurd Abdullah Ocalan bi çareserkirina doza Kurd, pêkanîna aştî û aramiyê li Tirkiyê û herêmê ve girêdayî ye û bang li gelên Bakur û Rojhilatê Sûriyê û partiyan kir ku roleke girîng bilîzin da ku azadiya fîzîkî ya Rêberê Gelê Kurd Abdullah Ocalan pêk were.

Partiyan ragihandin ku ew piştgiriya azadiya Rêberê Gelê Kurd Abdullah Ocalan dikin ku wê doza Kurd çareser bibe û ewlehî li herêmê pêk were.

Partiyên tev li daxuyaniyê bûne ev:

Partiya Çepgir a Kurd li Sûriyê, Şepêla Pêşerojê ya Kurdistanê, Partiya Aştiya Demokratîk a Kurdistanê, Tevgera Guhertin a Sûriyê, Partiya Guhertina Demokratîk a Kurdistanê, Partiya Kesek a Demokratîk, Yekîtiya Kedkaran a Kurdistanê, Partiya Yekîtiya Demokrat a Kurd li Sûriyê, Partiya Nûjkirin a Kurdistanê, Partiya Demokrat a Kurd li Sûriyê (PARTÎ), Partiya Wîfaq a Demokrat a kurd li Sûriyê, Partiya Kombûna Nîştimanî ya Kurdistanê, Partiya Biratî ya Kurdistanê Partî Demokrat a Kurdistanê-Sûriyê, Partiya Demokrat a Kurdistanê-Rojavayê Kurdistanê, Partiya Yekîtiya Demokratîk (PYD), Partiya Sûriya Pêşerojê, Partiya Yekîtiya Suryan, Partiya Demokrat a Pêşverû, Partiya Roj a Demokratîk a Kurd li Sûriyê, Partiya Têkoşîna Demokratîk û Partiya Komarê ya Kurdistanê. Partiya Lîberal a Kurdistanê, Partiya Yekîtiya Nîştimanî ya Azad, Partiya Nûjen û Demokratiyê ya Sûriyê, Partiya Komunîst a Kurdistanê, Desteya Nîştimanî ya Erebî, Partiya Muhafizkeran, Partiya Çepgir a Demokratîk a Kurdistanê, Kongra Star.