Bi sedan şêniyên navçeya Dêrik, herêmên Koçerat û Beravê li Goristana Şehîd Xebat şervanê Yekîneyên Parastina Gel (YPG) şehîd Mazin Şêx oxir kir. Şehîd Mazin Şêx di 29`ê Çileyê de şehîd bûbû. 

Di merasîma oxirkirinê de endama Meclisa Malbatên Şehîdan a Dêrikê Melîhe Ebdullah axivî û got: "Ji bo azadiyê û edaletê şehîd tê koşiya û şer kir, gelê me hîna li ser vê rêgezê ye."

Ji fermandarên Hêzên Sûriya Demokratîk (QSD) şaxê bajarê Dêrikê Mihyedîn Xêrkî jî soz da ku rêya şehîd Mazin temam bikin û got: "Êrişên li dijî herêmên me, israra me ya bidestxistina serkeftinê û hildana tola şehîdan zêdetir dike."

Di dawiya merasîmê de wesîqeya şehadeta şehîd hate xwendin û radestî malbatê kirin. Dûre girseya gel şehîd spart axê.