Efrîniyên ku dewleta Tirk a dagirker bi rojan e êrîşî wan dike gotin, "Çi dibe bila bibe em ê ji malên xwe dernekevin."

Zarokatin jî nerazîbûn nîşanî êrîşên dewleta Tirk dan. Yek ji zarokên Efrînî got, "Tirkiyê li me dixe. Em Efrîna xwe bernadin, em gundê xwe bernadin." Yekî din jî got, "Em ji Erdogan natirsin. Bi wê sîlehê tim li me dixe. Me çi kiriye li me dixe, qey ne heram e?"

Efrîniyekî din destnîşan kir ku ew ji tiştekî natirsin û got, "Herkes li mala xwe ye. Welatê me şen e. Em ji Erdogan natirsin. Çi dike bila bike, em li mala xwe ne. Di nav zarokên xwe de ne, jiyana xwe derbas dikin."

Efrîniyan ev nerazîbûn nîşan dan:

"Em vî şerî şermezar dikin. Erdogan dibêje ew li hêzên leşkerîd ixin, lê belê li mirovên medenî dixin. Em ji Efrîne dernakevin. Ne Erdogan ne jî top û tivingên Erdogan, ne jî teyare, çi dibe bila bibe em ji Efrînê dernakevin. Em xwediyê vê axê ne. Em ewqas sal bindest in, îro wextê çetir bûye Erdogan hatiye bi top û tivingan bi me dikeve. Em dernakevin, dernakevein, dernakevin, heta dilopek xwînê di me de heye. Dibêje ez ê li eskeriyê bixim, bes li medeniyan dixe. Hemû alemê medenî dimire. Erdogan derewîn e, derewan dike."

"Em van êrîşan şermezar dikin. Bi vî şerî taybet bi ser me ve tên, şerekî giran e. Bi çiqas sîlahên xwe yên mezin, bi teyareyên xwe me bombebaran dike. Her sîlaha xwe ya giran aniye derdora sînorê Efrînê sekinandiye. Ma çima, qey Efrîn dewleteke gewre mezin e, ev sîleh anîne li hember me sekinandiye. Dewletên alem gîh çima çavên xwe li ser me temirandine. Ma nabêjin ev zarok, ev dayikên emir mezin çawa dikin dema teyare tê lêdixîne. Zarokên me tên kuştin, dayikên me yên pîr têne kuştin. Yanî her tiştê xerab bi serê van zarokan de tê kirin. Bes çima ev tişt tê kirin û kesek deng nake? Mafê mirovan kanî? Kesek ji bo me deng nake, gişta çavên xwe li ser me temirandine. Dema teyare li vê derê didin, zarok hemû ditirsin. 

Lê moralê me hemûya bilind e, moralê dayikan hemûyan bilind e. Eger bes dayikê şehîdan tenê mabin, wê sîlehê rakin, herin li hember çeteyan bisekinin, wê şerê xwe bikin û bostek axa Efrînê jî em ti carî ji destê xwe bernadin. Bere heger mêr e, were li hember YPG/YPJ bisekine, bere li hember dayîkan bisekine û şer bike. Bere teyarê xwe raneke ser gundan, bere zarokan nekuje. Bi xwedê heger Erdogan vî tiştî bi dirêjî bide, emê ji wî re Tirkiyê bikin gola xwîne û em dizanin em çi karî jî tê de dikin. Zarokên me, her tiştê me ji bo vê musaîd in. Bila nebêjin em teyarên xwe li ser Efrînê digerînin, milet çav şikaye. Milet li ser xwe ye, milet tev karê xwe dibîne, hemû diçin saziyên xwe, hemû bi karê xwe ve dadikevin. Em kesek ji teyarên Erdogan natirsin."