Şandeya ji Şengalê ku Sûad Mûrad Xelef a bi navê Hêza Şengalî tê naskirin pêşengî jê re dikir, li paytexta Elmanya Berlînê hin hevdîtin pêk anî.

Şandeya Şengalê bi hevkariya Mala Êzidiyan a Berlînê û Meclîsa Binevş Edessa li parlamenta Elmanyayê bi nûnerên partiyên siyasî re rûnişt.

Şandeya Şengalê bi Hevseroka Partiya Çep Janine Wiesler, Parlementerê SPD Dirk Ulrich Mende, Seroka Komîsyona Mafên Mirovan a Meclîsa Berlînê Renata Alt, Parlamenterê Partiya Çep ê Berlînê Ferhat Koçak, Berdevka Saziya Jina Deutscher Frauenring û bi Damigra re hevdîtin pêk anî. 

Di hevdîtinê de li ser rewşa Şengalê û metirsiya êrîşên li ser Şengalê, rewşa dersînorkirina Êzîdiyan û rewşa civaka Êzidiyan a li Elmanya nîqaş hat kirin.