Di çarçoveya ‘Rojên Diyalogê bi Abdullah Ocalan re’ de ku qonaxa duyemîn a pêngava ‘Ji Abdullah Ocalan re Azadî, ji Pirsgirêka Kurd re Çareserî’ ye, li paytexta Qibris Lefkoşayê bernameya şano û xwendinê hat lidarxistin.

Çalakiyên ku bi pêşengiya Meclîsa Gelê Kurd a Qibrisê hat lidarxistin, eleqeyekî mezin dît. Kurdistanî, siyasetmedar, parêzer, serokên partiyên siyasî, rojnamevan û xelkê Qibrisê tevlî çalakiyê bûn.

Lîstîka ku ji aliyê koma şanoyê ya “Bien à vous Armanc Kerboranî” ku di sala 2011’an de ji aliyê Juan-Golan Elibeg ve hat avakirin, pir hat ecibandin.

Koma ku ji lîstîkvanên Kurd û Fransî pêk tê, hewara dayika Mehmet Yavûzel ê di salên 2015-2016’an de di dema berxwedana xwerêveberiyê de li Cizîra Botan hat qetilkirin, anîn ber çavan. Lîstîka şanoyê ku li ser pêkanînên dijberî hiqûqê û exlaqa şer a dewleta Tirk a faşîst ên di dema berxwedana xwerêveberiyê de bû, kêliyên hestiyar çêkir.

Beşa duyemîn bi pêşandana sînevîzyona ku wêne û gotinên Rêberê Gelê Kurd Abdullah Ocalan pêkdihatin, destpê kir. Girseyê gelek caran dirûşmeyên “Bijî Serok Apo” berz kir. Metnên Yewnanî û Kurdî yên li ser jiyana Abdullah Ocalan û “fêmkirina Rêber Apo” hatin xwendin.

Bername bi berzkirina dirûşmeya “Bijî Serok Apo” û bi gerandina govendê bi dawî bû.