Saziyên Kurd ên li Rûsyayê nerazîbûn nîşanî komkujiya li Moskowayê dan
Saziyên Kurd ên li Rûsyayê, komkujiya ku DAÎŞ'ê li Moskowayê pêk anî, şermezar kirin.
Saziyên Kurd ên li Rûsyayê, komkujiya ku DAÎŞ'ê li Moskowayê pêk anî, şermezar kirin.
Sazî û rêxistinên nûnertiya Kurdên li Rûsyayê dijîn, bi daxuyaniyeke nivîskî komkujiya DAÎŞ'ê ya li Moskowayê pêk anî şermezar kirin.
Di daxuyaniya hevpar a li ser navê Yekîtiya Saziyên Kurd ên Civakî ya Navneteweyî, Rêxistina navherêmî ya Jinên Kurd a Rûsyayê û rêxistina Êzdîxan a Rûsyayê de hat dayîn de ev tişt hate gotin: “Em sersaxiyê ji malbatên kesên wefat kirine û tevahiya gelê Rûsyayê re dixwazin, her wiha şifaya lezgîn ji birîndaran re dixwazin. Ev êrîşa terorîstî li dijî yekîtî, hevgirtin û dostaniya gelên Rûsyayê hatiye kirin. Weke hemwelatiyên Rûsyayê, divê em li dijî êrîşên bi vî rengî yên terorê yên hêzên xirab, ku li dijî yekîtî, hevgirtin û dostaniya me plankirî ne, hîn bêhtir bibin yek û têbikoşin. Divê em nîşanî hemû hêzên ku niyeta wan xirab e, dê ti êrîşên wan encamê negirin. Divê sûcdar û hêzên li pişt wan cezayê ku heq dikin bistînin."