Xwediyê Holdînga Osmanogullari ya nêzî AKP’e û Serokkomarê Tirk Tayyîp Erdogan, Ayhan Babûşçû, bi parvekirinên xwe yên Twîtterê, HDP’yî û Hevserokê Giştî yê HDP’ê Selahattîn Demîrtaş bi kuştinê tehdît kir.

Serokê Desteya Rêveberiya Holdînga Osmanogullari ya nêzî AKP’e û Serokkomar Tayyîp Erdogan e, Ayhan Babûşçû li ser hesabê xwe yê Twîtterê HDP’yî û Hevserokê Giştî yê HDP’ê Selahattîn Demîrtaş bi mirinê tehdît kir. Her wiha, Babûşçû, di parvekirinek xwe de “Ji bo seriyên HDP’yiyan diyarî” da.

Babûşçû di parvekirinên Twîtterê de di dîmenekî ku çeteyekî DAIŞ’ê dema serî jêdike de serê Demîrtaş monte kiriye.