'Nobeda Wijdan û Edaletê' li Stenbolê dest pê dike
'Nobeda Wijdan û Edaletê, ku HDP'ê li Amedê da destpêkirin, wê îro li Stenbolê bidome.
Nobed wê li Parka Yogûrtçû ya Kadikoy a Stenbolê dest pê bike û hefteyekê dewam bike. Beriya destpêkirina nobedê, polîsên Tirk dor li parkê girtin.
Tê payin, Hevseroka Giştî ya HDP'ê Serpîl Kemalbay û 12 parlamenterên HDP'ê ji ber avahiya HDP'ê ya navçeya Kadikoyê ber bi qada çalakiyê ve bimeşin.
Çalakiya nobedê wê bi civîna koma HDP'ê dest pê bike. Ji niha ve gelek kes li dora parkê li hev civiyane.
