Nasnameya 4 ‘şehîdên’ YPG’ê yên di nava Hêzên Sûriyeya Demokratîk di operasyona herêma Holê de jiyana xwe ji dest dan, hat aşkerakirin.

Bi serenava ‘Jiyana Azad berhema xwîna şehîdan e’ Navenda Çapemenî û Ragihandinê ya Yekîneyên Parastina Gel (YPG) daxuyaniyek da raya giştî û tê de nasnameya çar ‘şehîdên’ xwe yên di operasyona herêma Holê ya li başûrê Hesekê de jiyana xwe jidest dane, aşkera kir.

Di daxuyaniyê de wiha hat gotin:

“Berxwedana Yekîneyên me yên di nava refên Hêzên Sûriyeya Demokratîk (HSD) de cihê xwe digirin berdewam e. Hêzên Sûriyeya Demokraîtk her saet pêşve diçin û çeteyan têk dibin. Ev hêz xakê ji gemara çeteyan rizgar dikin.

Di nava vê operasyonê de serketiyên mezin her û her tên bidestxistin û gel êdî dikare nefeseke nû bikşîne. Êdî gelê herêmê ji hovîtiya çeteyan xilas dibe. Ev serketin bi saya şervanên leheng û qehreman hatine qezenckirin. Hevalên me Diyako, Merwan, Rustem û Xebat ji wan hevalên çeleng û fedakar bûn ku canê xwe feda kirine. Bi cesareteke pir mezin, di qada şer de cihê xwe girtin, herî dawî jî gihiştin şehadetê.

Em soza berxwedanê bi şehadeta van rêhevalên me re careke din nû dikin ku em ê şopdarê rêya wan bin heta ku em azadî û serketinê bi dest bixin.”

 

Nasnameyên her çar şehîdan wiha ne:

 

Nav û paşnav: Yusuf Babaî

Nasnav: Diyako Îlam

Navê Dayikê: Xaewar

Navê Bav: Senbh

Cihê jidayikbûnê: Îlam

Cih û dîroka şehadetê: Hesekê-Hol/4’ê Mijdara 2015’an

 

Nav û paşnav: Sadetîn Ozbahcecî

Nasnav: Merwan Derik

Navê Dayikê: Cemîle

Navê Bav: Abdulrehman

Cihê jidayikbûnê: Mêrdîn

Cih û dîroka şehadetê: Hesekê-Hol/4’ê Mijdara 2015’an

 

Nav û paşnav: Sabir Aybar

Nasnav: Rustem Zal

Navê Dayikê: Salîha

Navê Bav: Serheng

Cihê jidayikbûnê: Gever

Cih û dîroka şehadetê: Hesekê-Hol/5’ê Mijdara 2015’an

 

Nav û paşnav: Xebat Osman

Nasnav: Xebat Botan

Navê Dayikê: Şadiya

Navê Bav: Sedîq

Cihê jidayikbûnê: Dêrik

Cih û dîroka şehadetê: Hesekê-Hol/5’ê Mijdara 2015’an