Meclîsa Gel a Toronto, malbata şervanê YPG'ê John Gallagher ê Kanadayî ziyaret kir. Hevserokê Meclîsa Gel Îhsan Kaya, agahiyên li ser şehadeta Gallagher ên ji aliyê Fermandariya Giştî ya YPG'ê ve hat şandin, bi malperê re parve kir.
Kaya da xuyakirin ku Wezareta Karên Derve ya Kanadayê jî bi wan re têkilî danîne, ji wan agahî xwestine û li ser şehadeta Gallagher wan agahî dane Wezaretê. Kaya got, "Wezaret bi malbatê re di nava têkiliyê de ye. Hewl didin di dema herî nêz de cenaze bînin Kanadayê."
Dayika Gallagher got, "Em wî weke lehengekî dibînin. Em ê her tim bi serbilindî vê yekê bînin ziman."
