Malbatên kesên di têkoşîna azadiya Kurdistanê de şehîd ketine li bajarê Bonn ê Elmanyayê hatin gel hev.

Di civîna ku ji aliyê navenda malbatên şehîdan ve hat organîzekirin malbatan hest û fikrên xwe anîn ziman.

Di civîna ku li Bonnê hat lidarxistin, Ahmet Aktaş bibîr xist ku şehîd pêşengên têkoşînê ne û wê girêdayî têkoşîna wan bin.

Aktaş êrîşên dewleta Tirk ên li hember şehîdgehan jî bibîr xist û got ku li hember vê hovîtiyê pêwîst e têkoşîn hê zêdetir bê pêşxistin.

Malbatên ku tevlî civînê bûn piştî hest û fikra xwe anîn ziman xebatên xwe yên demên pêş plan kirin.