Piştî biryara hilbijartina zordest a di 24’ê Hezîranê de pêkhateyên HDP’ê jî xebatên hilbijartinê dan destpêkirin û li Swêdê Platforma Piştgiriya HDP’ê hate avakirin.

Ji xeynî rêveberên Navendên Civakî ya Kurd a Demokratîk ên bajarên cihê, Federasyona Elewiyan a Swêdê, Yekîtiya Suryanên Ewrûpayê, Partiya Azadiyê ya Mezopotamyayê û bi dehan partî û nûnerên saziyên civakî tevlî civîna avakirina platformê bûn.

Nûnerên partî û saziyan di axaftinên xwe de diyar kirin ku ji bo bidawîkirina faşîzma AKP-MHP’ê divê hêzên demokrasiyê bi hev re bixebitin û divê HDP li Swêdê bibe partiya yekemîn.

Biryar hate dayîn ku ji bo HDP li Swêdê bibe yekemîn hin çalakî werin lidarxistin û hin xebat werin kirin.

Rêveberên NCKD’yan jî diyar kirin ku 15 roj berê li 18 cihan komîteyên hilbijartinê ava kirine û bi beşdariya pêkhateyên din ev xebat ew ê geştir bibin. Di civîna platformê de komîteyên lijneya koordînasyonê, dîplomasî, têkiliyên giştî û çapemenî hate avakirin.