Piştî teqîna li navçeya Reyhanliyê heyeta BDP'ê çû herêmê lêkolîn kir. Endamê heyeta BDP'ê û endamê MYK'ê yê BDP'ê Ferhat Tarhan diyar kir ku, li herêmê li dijî fermiyetê bazirganiya otomobilan tên kirin û li ser plakayên sexte bazirganî tê kirin.

Duh li Navçeya Reyhanli ya Hatayê teqîn pêk hat û di teqînê de 46 welatiyan jiyana xwe ji dest dan û bi dehan welatî birîndar bûn. Piştî bûyere heyeta BDP'ê çûn li Navçeya Reyhanliyê lêkolîn kir. Endamê MYK'ê yê BDP'e Ferhat Tarhan, Endamê Meclisa BDP'ê Zeki Koç û Kenan Şen, Hevserokên BDP'ê yê Hatayê Mahmut Aydinci û Hilmiye Kizilay, rêveberên BDP'ê yên Hatayê çûn lêkolîn pêk anîn.

Heyetê di seetên serê sibê de lêkolîn kir û bi esnafan re ziyaret pêk anîn. Endamê MYK'ê yê BDP'ê Ferhat Tarhan, têkildarî lêkolînê diyar kir ku, wan li cihê bûyerê lêkolîn kir û gihiştin agahiyên balkêş. Tarhan anî ziman ku, hem esnaf ziyaret kirin û hem jî birîndar li nexweşxaneyan ziyaret kirin û wihagot: "Heyeta me nûneren HDK'ê û saziyên sivîl jî ziyaret kir. Me agahî ji derdorên cuda kom kirin. Li 2 nokteyên cuda bombe tewipa ye. di navbera 6- 7 deqîqeyan de teqîn pêk hatiye. Li 2 noqteyan jî cihê herî girse zêde ye. Ji ber ku hêza bombeyan gelek zêde ye heta 2- 3 kîlometreyan zerar daye derdorê. Hemu camên avahiyên derdorê hilweşiya ye. Dîwarên gelek avahiyan zerarek mezin dîtiye. Li nexweşxaneyan cesedên şewitî hatin dîtin. Di ziyaretan de welatiyan diyar kirin ku ketin û derketina sînor bi awayekî fîîlî bê kontrole. Kî diçe û kî tê ne diyare. Li aliyê din bazirganiya dijzagonî ya maşîneyan ji tê kirin. Di demên dawî de hêjmara nifûsa Reyhanli 2 qat zêde bûye. Li wir bê kontroliyek heye. Em dê çavdêrî û lêkolîna xwe bikin rapor û pêşkêşî Hevserokên xwe bikin."