Yeketiya Xwendekarên Kurdistanê (YXK) li bajarê Munih yê Almanyayê di çarçoveya kampanya ji Rêberê Gelê Kurd Abdullah Ocalan re azadî meheke her heftî li bajarên cûda stand hatin vekirin û îmze hatin komkirin.

YXK’ê bi standên îmze û agahdarkirinê yên ji bo Ocalan vekirine, heya niha nêzî 2 hezar îmze komkirine. Weke din bi hezaran danezanên û broşûrên bi ser navê ‘Xweseriya Demokratîk’ û ‘Pirsgirêka Kurd’ yên Ocalan hatin belavkirin.

Di çarçoveya kampanyayê de ji Parlementerê Partiya Çep ya Parlementoya Federal ya Almanya Nicole Gohlke, gelek siyasetmedarên federal û herêmî, endamên Meclisa Şaredariyê piştgirî wergirtin.

YXK’ê diyarkir ku, eleqeyek mezin nîşanên standên vekirine dane û rûniştvanên Munihê aşkera kirin ku, pir ecêbe ku di sedsala 21’an de tecrîd li ser Ocalan pêktê û hêjan heye.

Endamên YXK’ê dan zanîn ku, ew dê heya dawiyê kampanya faliyetên standan birêve bibin û armanca wan ewe ku îmzeyan bigehînin 50 hezaran. Ji ber vê çendê dane diyarkirin ku, ew dê di çalakiyên Çepgiran de standa vekirin û plan dikin ku, aliyên çepgir, muxalîf û demokrat yên Almanyayê daxilî vê kampanyayê bikin.

Endamên YXK’ê destnîşan kirin ku, ew dê çalakiyên xwe yên balê dikişînin ser tecrîda li ser Ocalan zêde bikin û bang li ciwanên Kurd kirin ku hîn bihêztir tevlî çalakî û aktîvîteyan bibin.