Kurdên dixwazin destekê bidin berxwedana Farqînê, li bajarê Hollanda Hîlversûmê, li avahiya NOS TV çalakiyek pêk anîn. Komek ji ciwanan jî li Balafirgeha Schîpol a navneteweyî bi heman armancê çalakî lidar xist.
Bi qasî 100 çalakgerên li Hîlversûmê civiyan, ber bi avahiya qenala TV ya neteweyî ya Hollandayê NOS ve meşiyan. Çalakger li ber avahiyê bi rayêdarên qenalê re hevdîtin kirin û daxwazên xwe ji rayedaran re ragihandin. Çalakgeran ji rayedaran xwestin ku terora dewleta Tirk a li Farqînê bibîne. Rayedarên qenalê jî diyar kirin ku haya wan ji bûyer û rewşa diqewime heye û ew ê mijarê binirxînin.
LI BALAFIRGEHA SCHÎPOLÊ ÇALAKIYA CIWANAN
Li aliyê din, komek ji ciwanen Kurd li balafirgeha Schîpol a li nêzî Amsterdamê, ji bo balê bikişînin ser terora dewleta Tirk a li Farqînê çalakiyek lidar xistin. Ciwanan bi qîrîna dirûşmeyan dewleta Tirk şermezar kirin û berxwedana li Farqînê silav kirin.
Komeke faşîst a ku xwest çalakiyê provoke bike, bi destwerdana polîsê Hollandayê re ji herêmê hat qewirandin.
