Însiyatîfa Piştgiriya bi Girtiyan got, "Li girtîgehan, tevî desteserkirina mafên girtiyan, êrîş û helwestên kêfî yên li dijî girtiyan, êdî êrîş li malbatan jî tên kirin" destnîşan kir, ku wê ji têkoşîna xwe venegerin.
Însiyatîfa Piştgiriya bi Girtiyan, li ser êrîşên li girtîgehan ên li dijî girtiyan û malbatên wan daxuyaniyeke nivîskî weşand.
Di daxuyaniyê de hat gotin, "Li girtîgehan, tevî desteserkirina mafên girtiyan, êrîş û helwestên kêfî yên li dijî girtiyan, êdî êrîş li malbatan jî tên kirin."
ÊRÎŞA LI TEKÎRDAGÊ
Daxuyaniyê wiha dewam kir: "Malbatên ji bo hevdîtinê diçin, li gelek astengiyan dialiqin û helwestên dijminane li hemberî wan tên nîşandan. Yek ji van kiryaran, roja 23'ê Tebaxê li Girtîgeha Tîpa F Hejmara 2. a Tekîrdagê, piştî hevdîtina vekirî pêk hat. Serdêrê girtiyê ji doza TÎKB'ê Mûrat Guneş, ku di heman demê de xebatkarê însiyatîfa me ye Ûgûr Karadaş, piştî hevdîtinê li helwesta kêfî, heqaret û êrîşkariya gardiyanan rast hat."
Di daxuyaniyê de hat gotin, "em xizm, malbat û hevrêyên girtiyan, li hemberî vê helwesta kêfî gavê paş ve neavêjin. Em careke din dibêjin, ku em ê şopdarên vê bûyera li Tîpa F Hejmara 2. a Tekîrdagê bin."
