Li Colemêrgê, Komîsyona Şopandinê ya rêxistinên civakî yên sivîl, bi armanca şopandina vekişîna gerîlayên HPG’ê, li Geliyê Tiyarê dest bi lêkolînan kir.

Komîsyona Şopandinê ya ji nûnerên ÎHD, MAZLÛM-DER, TTB û Baroya Colemêrgê pêk tê, li navçeya Colemêrg Çelê dest bi kar kir.

Endamên heyetê li vê derê bi Qeymeqamê Çelê û rayedarên leşkerî re hevdîn kirin û dûre bi Şaredarê Çelê Xidir Demîroglû, Şaredarê berê yê Çelê Mehmet Kanar ku ji aliyê Wezareta Karên Navxweyî ve ji kar hatibû girtin û komek ji nûnerên rêxistinên civakî yên sivîl çûn Geliyê Tiyarê.

Heyet, piştî hevdîtina bi gundiyan re derketin Zozana Han’ê û li dû lêkolînan daxuyaniyek dan çapemeniyê.

Li ser navê komê Serokê ÎHD’ê Şaxê Colemêrgê Îsmaîl Akbûlût axivî  û diyar kir, ku ji ber navçeya Çelê di nava 30 salên dawî de herî zêde ji şer û bûyeran re şahidî kiriye, wan li vê derê dest bi xebatên xwe kirine.

Akbûlût da xuyakirin, ku wan di hevdîtinên xwe yên bi qeymeqam û rayedarên leşkerî de hesasiyetên xwe yên l iser pêvajoyê parvekirin û ji wan xwestin, li gorî van hesasiyetan tevbigerin.

Akbûlût ragihand, ku xebatên wan ên li vê herêmê wê 3 mehan dewam bike û di heman demê de li herêm û navçeyên din jî kar biin.

Endamên heyetê, li dû daxuyaniyê  ji herêmê veqetiyan.