Di çarçoveya kampanya "Azadî ji Ocalan re" li bajarê Basel û St. Gallenê yên Swîsreyê dezgehên agahdarkirina tecrîdê hatin danîn.

Dezgeha agadarkirinê ya li Baselê bi pêşengiya Civaka Demokratîk a Kurd a Baselê û Meclîsa Jinê ya Ronahî ve li meydana Barfusserplatzê saet 18'an hate danîn. Çalakgeran der barê tecrîda giran a li ser Ocalan û êrîşên dewleta Tirk belavok belav kirin.

LI ST. GALLENÊ KON HATE VEDAN

Li bajarê St. Gallenê yê Swîsreyê li Markplatzê bi heman armancê kon hate vedan. Çalakî wê 4 rojan dewam bike. Kurdistanî wê li ser tecrîdê û komkujiyên li gelê Kurd tên kirin belavokan belav bikin.

Çalakî saet di navbera 12:00-19:00 de tê lidarxistin û wê heta 22'ê Tebaxê bidome.