Serokatiya BDP’a Amedê, ji bo meşa ku dê di 7’ê mijdarê de pêk were belavok belavkirin.

Beriya ku belavok bên belavkirin, li ber Mizgefta Mezin daxuyaniyek hat dayîn û hevseroka BDP’a Amedê Zubeyde Zumrut, cigirê wê Eşref Memedoglu, Şaredarê Sûrê Abdullah Demîrbaş û gelek kes tevli bûn.

Eşref Memedoglu di daxuyaniyê de axivî û da zanîn ku  di 7’ê mijdarê de berbi Nisêbînê re li dijî dîwarê şermê dê meşekê pêk bînin. Memedoglu got ew ji bo gelê xwe agahdar bikin û piştgiriyê bidin wan dê belavokan belav bikin û got ew dê bi meşê biçin Nisêbînê û heta dîwarê wir hilneweşînin dê neyên.

Piştî daxuayniya hat dayîn BDP’iyan li navçeya Sûrê belavok belavkirin.