Komê dirûşmên weke ‘Dersim dişewite, Erdogan dişewitîne’, ‘kujer Erdoan ji Kurdistanê bicehime’, ‘ji kuştina sirûştê re êdî bes e’, ‘li Kurdistanê ji komkujiyan re êdî bes e’ berz kirin û danezanên ku polîtîkayên şewat û hilweşandinê ku dewlet li Kurdistanê û Dersimê dike hate belavkirin.

Endamên HDK-Belçîkayê gotin şewata li Dersimê û Cûdî, hilweşandina Heskîfê mirov nikare ji hev cuda bifikire û diyar kirin dewlet polîtîkayên xwe yên qirker ên li ser cografyaya Kurdistanê didomîne.

Komê diyar kir ku dewlet bi avakirina HES’an a li geliyê Munzirê ya bi hinceta ewlehiyê, bi şewitandina daristanan û valakirina gundan dixwaze Dersimê vala bike û bang kir ku dewlet dawî li polîtîkayên xwe yên operasyonel werîne û bi dirûşma, ‘Dersim rûmeta me ye, dest li rûmeta me nede’ çalakî bi dawî kirin.