Li paytexta Elmanya Berlînê, Kurdistanî li ber Rathaûsê ya li Alexander Platz Rote roja Şemiyê li hev civiyan û dest bi meşê kirin. Meş ji aliyê Federasyona Êzidiyan NAV-YEK û Însiyatîfa Azadiyê ya Dersimê ve hate organîzekirin. Nûnerên gelek saziyan jî tevlî meşê bûn.

Çalakger bi qîrîna dirûşmên "Bijî berxwedana gelê Kurd", "Bijî berxwedana Şengalê", "Bes e ji lîstikên qirêj ên li ser Dersimê", "Em ê nehêlin ku li Dersimê careke din qirkirin bê kirin", "Bijî Serok Apo", "Bijî Kurdistan" heta deriya Brandenbûrger Tor bi qasî 2 kîlometreyan meşiyan.

Li vê derê axaftin hate kirin û qisekeran terora DAIŞ'ê şermezar kirin û PDK a ku Şengal radestî DAIŞ'ê kir weke şirîkê fermana 73'an protesto kirin.

Li Brandenbûrger Tor, polîsên Elman dirûşmên hatin qîrîn û stranên hatin gotin ji xwe re kirin bahane û 3 Kurdistanî binçav kirin. Girseya gel binçavkirin şermezar kir û li ber deriyê Brandenbûrger Tor sekinî. Piştî ku Kurdistaniyên hatin binçavkirin hatin berdan, çalakî qediya.