Piştî ku Serokkomarê Tirk Recep Tayyip Erdogan gefên xwe yên li ser Rojava zêde kir, li Amedê sewqiyateke leşkerî hate kirin.

Ji bajarên rojava yên Tirkiyeyê gelek wesayîtên zirxî û çekên giran bi trênê anîn Amedê. Çekên giran bi brandayên hatibûn nixumandin û li gara trênê li TIR’an hate barkirin.

Agahî nehatin stendin gelo TIR wê ber bi sînorê Bakur û Rojhilatê Sûriyeyê yan jî ber bi Başûrê Kurdistanê biçin.