Li Amedê di serdagirtina malan de hejmara kesên hatin binçavkirin derket 17 kesan. Li gel serdagirtina malan bi hinceta "bombe heye" di wesayîtan de lêgerîn hate kirin û ligel di lêgerîna 7 welatiyan de ti tişt nehat dîtin jî 7 welatî hatin binçavkirin.

Hejmara kesên di serdagirtina malê de ya bi hinceta tevlî çalakiyên 6-8'ê cotmehê yên ji bo Kobanê hatin li dar xistin bûn e û têkiliya wan bi kuştina alîgirên Partiya Hur Davayê Yasîn Boru û 3 kesên din heye hatin binçavkirin derket 17 kesan. Hate hînbûn ku di serdagirtina polîsên TEM û polîsên çewîk jî tevlî bûn de 3 zarok jî hene.

Parêzera Endama Baroya Amedê Kezîban Yilmaz diyar kir ku kesên hatin binçavkirin li Midûriyeta Şaxa TEM'ê û Midûriyeta Şaxa Zarokan a Amedê tên girtin û dê duşemiyê derxin dozgeriyê.

Bi îdîaya 'îxbara bombeyê' binçavkirinên keyfî

Li aliyê din li herêma Hala Kevin a navçeya Yenîşehîr ya Amedê polîsan bi hinceta îxbar heye wesayitek dane sekinandin û lêgerîn pêk anîn. Ligel ku di wesayitên de tu tiştek nehate dîtin polîsan 2 birîndarên ji Kobanê yên bi navê Muhammed Alî û Ridvan Salîh û ciwanên bi navê Bakî Ozturk û Mustafa Daya binçavkirin. Ciwanên şevê li midûriyeta polîsan hatin girtin piştî îfadeyan serbest hatin berdan.

Polîsan bi heman îdîayê wesayîta Tarik Arslan, xwişka wî Semra Arslan û hevalê wan Firat Taş jî rawestandin û her sê kes binçavkirin. Hate hînbûn ku ligel di wesayîtê de tu tişt nehate dîtin her sê kes hêj di binçavan de tên girtin.