Greva birçîbûnê ya li Girtîgeha Şakranê di asta krîtîk de ye. Greva bêdem-bêdorveger a girtiyan, ket roja 58'an.

Şakran T2:
Hejmara girtiyan: 8

• Şakran T3:
Hejmara Girtiyan: 5

• Şakran T4 (Koma 1.):
Hejmara Girtiyan: 8

• Şakran T4 (Koma 2.):
Hejmara Girtiyan: 7

• Şakran-Jin:
Hejmara Girtiyan: 5

Qonaxa heyî ya greva li Şakranê weke 'pêvajoya bi rîsk a jêveger nîne' tê binavkirin.

SÊRT

Li Girtîgeha Girtî ya Tîpa E ya Sêrtê, girtî ji 10'ê Nîsanê û vir ve di greva birçîbûnê ya bêdem-bêdorveger de ne. Girtiyan, di 13'ê Adarê de bi koma ji 5 kesan dest bi greva birçîbûnê ya bêdem-bi dorveger kirin. Her pênc girtiyên ketin grevê, di 17'ê Adarê de sirgûnî Girtîgeha Girtî ya Tîpa T ya Bandirmayê hatin kirin. Piştre koma duyemîn a ji 7 kesan pêk tê, çalakî dewr girtin. Dûre koma 3. a ji 5 kesan çalakî dewr girt.

Şerîf Gungen, Zekeriya Seven, Zekî Cengîz, Yavûz Odumlu, Mûstafa Gunduz ji 10'ê Nîsanê û vir ve di greva birçîbûnê ya bêdem-bêdorveger de ne.

SÎNCAN

Li Girtîgeha Sîncanê, di koma destpêkê de 7 girtiyên jin, di koma duyemîn de jî 9 girtiyên jin ketin greva birçîbûnê. Koma sêyemîn jî ji 10'ê Nîsanê û vir ve di greva birçîbûnê de ne. 9 kesên din jî ketin grevê û bi vî rengî hejmara girtiyên ketine grevê gihîşt 25 girtiyan.

BOLÛ

Li Girtîgeha Tîpa F a Bolûyê, 10 girtî di greva birçîbûnê ya bêdem-bêdorveger de bûn. 8 girtiyên din jî tevlî grevê bûn. 8 girtiyên di 11'ê Nîsanê de tevlî grevê bûn, ev in: Recep Belîk, Alî Dalaban, Mahmût Yamalak, Savaş Barîk, Suphan Delen, Mûrat Çetînkaya, Mûrat Satilmiş, Ozkan Kart.

TOKAT

Li Girtîgeha Tîpa T a Tokatê, 5 girtiyên di 11'ê Nîsanê de ketin grevê ev in: Rojhat Aydin, Mehmet Yîgît, Mûrat Sonmez, Sînan Sayik, Mehmet Emîn Ogûr.

SAMSÛN

Li Girtîgeha Girtî ya Tîpa M a Vekîrkopru ya Samsûnê, 11 girtî ev 12 roj in di greva birçîbûnê ya bêdem-bêdorveger de ne.

Malbatên girtiyên di grevê de ne Agît Tûfan, Îsa Kilvan û Hasan Şaşi serî li Şaxê Edeneyê yê Komeleya Mafên Mirovan dan û diyar kirin, piştî greva birçîbûnê zextên li girtîgehan zêde bûne.

ANTALYA

Li Girtîgeha Tîpa L a Alanya-Antalyayê, greva birçîbûnê ya bêdem-bêdorveger a ku Hacîre Çay û Gûrbet Ozturk di 30'ê Adarê de dest pê kirin, dewam dike. Sîma Dûra û Sûzan Guven jî di 10'ê Nîsanê de dest bi grevê kirin.

GREVÊN BIRÇÎBÛNÊ LI GELEK GIRTÎGEHAN DEWAM DIKIN

Li girtîgehên Tekîrdag T1 10 girtî 37 roj, Tarsûs-Jin 5 girtî 30 roj, Hatay Tîpa T 11 girtî 13 roj, Kepsût a Balikesîrê 6 girtî 10 roj, Menemen Tîpa T 4 girtî 9 roj, Ceyhan Tîpa M 3 girtî 10 roj, Baybûrt Tîpa M 2 girtî 10 roj, Bandirma Tîpa M 21 girtî 9 roj, Duzce Tîpa T 4 girtî 10 roj, Gebze-Jin 7 girtî 9 roj, Sîlîvrî Hejmara 5'an 10 girtî 9 roj, Kiriklar Tîpa F 12 girtî 8 roj, Kandira 5 girtî 7 roj in di greva birçîbûnê de ne.

Hejmara girtiyên li 20 girtiyan di grevên birçîbûnê yên bêdem-bêdorveger de ne, 200 derbas kir.