Kongreya damezrandinê ya Tevgera Azadî li Silêmanî dest pê kir. Kongre bi beşdariya 700 delege û bi sedan welatiyên ji Başûrê Kurdistanê û Iraqê pêk tê. Komîsyona Hilbijartinê ya Bilind a Iraqê jî kongreyê dişopîne.
Tevgera Azadî, piştî ku li gorî qanûnên Iraqê fermî bû, kongreya xwe ya destpêkê îro li Silêmanî dike.
Kongre li Hola Mona Lîza ya li herêma Serçinar a Silêmanî bi beşdariya 700 delegeyên ji Başûrê Kurdistanê û Iraqê pêk tê. Gelek mêvan jî tevlî kongreyê bûne.
Endamên Komîsyona Hilbijartinê ya Bilind a Iraqê jî weke çavdêr tevlî kongreyê bûn.
Kongreyê saet 10:30'î bi deqeyeke rêzgirtinê li ber xwendina sirûda Ey Reqîp dest pê kir.
Tevgera Azadî ku 17'ê Cotmehê 2014'an ava bû, 4'ê Kanûna 2017'an li gorî qanûnên Iraqê fermî bû.
