Saziya Malbatên Şehîd û Windayan li Ewropayê (KOMAW) têkildarî çalakiyên edaletê yên roja Çarşemê ku ji bo sê jinên Kurd ên şoreşger Sakîne Cansiz, Fîdan Dogan û Leyla Şaylemez tên lidarxistin daxuyaniyeke nivîskî weşand.

BANG

Di daxuyaniyê KOMAW’ê de hate gotin ew weke KOMAW’ê her Çarşem li ber konsolosxaneyên Fransayê wê çalakiyên dadmendiyê yên bi navê "Bêdengiya we ji hevkariya we ye" li gelek bajarên Ewropa çalakiyên hevdem bikin. Di dewama daxuyaniyê de hat gotin: "Li ser vê bingehê di serî de malbatên şehîdan û nebedîbûyiyan, em bang li hemû welatparêz, beşên civakî yên şoreşger-sosyalîst û demokratik dikin ku bi agirê berxwedanê û giyanê azadîxwaz ê Sara û Sêvêyan ku rûyê ronak ên mirovahiyê ne têbikoşin; em bang dikin ku dewleta Tirk a faşîst û hevakarê wê dewleta Fransa şermezar bikin, li her deverê, li ber konsolosxaneyên Fransayê, roja Çarşemê xwe di nav çalakiyan de bibînin û bi girseyî tevlê bibin."

BERNAMEYA ÇALAKIYAN

Dîrok: 18 Çile 2017 Çarşem

Elmanya: Dusseldorf, Frankfurt, Bremen, Hannover, Oldenburg, Kiel, Berlin û Saarburcken.

Belçîka: Ber konsolosxaneya Fransa a li Brukselê

Swîsre: Ber konsolosxaneya Fransa a Baselê

Hollanda: Li Den Haagê; 23.01.2017

Fransa: Ji Navenda Civaka Kurd a Demokratîk a Parîsê wê heta bi Gare De Nord, Buroya Enformasyonê ya Kurdistanê meş were kirin.

Strasbûrg: Pêş Walîtiyê

Îngilîstan: Li ber Parlamenta Londonê wê bi navendî were kirin.

Awûstûrya: Viyana, Wê dosyayekê bidin konsolosxaneya Fransa