Hilbijartina Yekîtiya Şaredariyên Tirkiyeyê (TBB) bi dawî bû ya ku li Enqereyê pêk hat. Di encama hilbijartinê de 9 encumen ji AKP'ê re, 4 encumen ji CHP'ê re û 2 encumen jî ji MHP'ê re hatin veqetandin û biryar hat dayîn ku ji HDP'ê re encumen neyê veqetandin. Li ser vê yekê Hevşaredarê Qersê Ayhan Bilgen jî di nav de heyeta HDP'ê hilbijartinan şermezar kir û ji eywana ku hilbijartin lê pêk dihat veqetiyan.

Hevşaredar Bîlgen têkildarî mijarê axivî û diyar kir ku bi biryara hevpar a endamên AKP, CHP û MHP'ê encumen ji HDP'ê re nehat veqetandin û bertek nîşanî biryarê da. Bîlgen destnîşan kir ku bi tunehesibandina HDP'ê rêveberiyê ava kirin û wiha got: "Di şertên asayî de Hilbijartinên Yekîtiya Şaredariyên Tirkiyeyê li gorî gelheya şaredarî û dabeşiya herêman tê kirin. Lê tenê encumenekî jî nedan HDP'ê. Ji ber ku li derveyî usûlê tevgeriyan û me tune hesibandin û rêveberî ava kirin. Me jî hilbijartin şermezar kir."