HDK'ê kongreyên xwe yên Zurîch û Baselê pêk anîn
Kongreya Demokratîk a Gelan (HDK), li bajarên Zurîch û Baselê yên Swîsreyê kongreyên xwe pêk anîn û rêveberiyên xwe yên nû hilbijartin.
Kongreya Demokratîk a Gelan (HDK), li bajarên Zurîch û Baselê yên Swîsreyê kongreyên xwe pêk anîn û rêveberiyên xwe yên nû hilbijartin.
Li Lokala EKM'ê ya li Zurîchê bi tevlîbûna delege û mêvanan HDK'ê 2. Kongreyên xwe pêk anî. Kongre bi rêzgirtina ji bo şehîdên şoreşê dest pê kir. Piştî xwendin û nirxandina raporên heyamê meclîsa HDK'ê ya ji 23 kesan pêk tê hat bijartin.
Di hilbijartinê de Meral Çinar û Kerîm Îşbîlîr weke hevserokên HDK'ê yên Zurîchê hatin bijartin.
BASEL
Li Baselê jî li Lokala Beksamê kongre pêk hat û hevberdevkê HDK’ê yê Swîsrê Hakan Gungen di derbarê rojeva siyasî de pêvajo nirxand.
Gungen got, "Em ê weke HDK’ê, li hemberî faşîzma ku li Tirkiye û Kurdistanê tê sazkirin, li hemberî şer û dagirkeriya emperyalîst a li Rojhilata Navîn tê meşandin, li hemberî tevahiya neheqiyên li penaberên Ewropayê di warê siyasî, sosyal, aborî û jiyana civakî de tên meşandin têbikoşin."
Piştî rapora karê heyamê hate xwendin û nirxandin, meclîsa ji 24 kesan pêk tê hate sazkirin.
Di hilbijartinê de Gulderen Sevîm û Gazî Yildirim weke hevserok hatin hilbijartin.