Floransa wê piştgiriyê bide ji nû ve avakirina Navenda Çandê ya Kobanê
Şaredarê Bajarê Floransa yê Îtalya Darîo Nardella, ragihand ku wê piştgiriyê bidin ji nû ve avakirina Navenda Çandê ya Kobanê ya di encama êrîşên çeteyên DAIŞ’ê hatibû xerakirin.
Darîo Nardella di forûma bi navê “Di cudatiyan de yekîtî” ya ji 80 bajarên mezin ên 60 welatan şaredar tevlî bibûn de ku axivî diyar kir ku ji paytexta Toscano peyama piştgiriyeke xurt dane bajarekî ku bi hilweşîneke mezin re rû bi rû hatiye. Nardella her wiha got ku bi hêvî ne ev fikir îlhamê bide bajarên din jî.
Şaredarê Kobanê Mustefa Ebdî yê tevlî forûmê bû di axaftina xwe ya rojên bihurî de ji bo ji nû ve avakirina bajêr ji raya giştî ya navneteweyî piştgirî xwestibû.
