Hat ragihandin, ku balafireke şer a artêşa Tirk a bi tîpa F-16, ku ji Amasyayê rabû, li çiyayê Amanosê ket xwarê.

Serokatiya Fermandariya Giştî ya Artêşa Tirk der heqê mijarê de daxuyaniye da û ev agahî da; "Balafireke şer F-16 a ser bi Fermandariya Baregeha Hewayî ya Bingehîn a 5. (Merzifon / AMASYA), îro li gorî dema herêmê saet di 14.15'an de li nêzî Osmaniyê di dema firîna wezîfeyê ya li Çiyayê Amanosê de, bi gotina pîlot "Ez xwe davêjim", têkilî hatiye birrîn."

Hat ragihandin, ku xebatên lêgerînê yên li herêmê dewam dikin.