Wezareta Karên Derve ya DYA ji welatiyên xwe yên biçin Tirkiyeyê xwest, hay ji xwe hebin.

Di daxuyaniyê de bal hat kişandin ser bûyer û teqînên li bajarên Tirkiye û Kurdistanê û ji welatiyên DYA'yî hat xwestin ku neçin hin bajaran. Ev bajar jî ev in: Amed, Şirnex, Wan, Sêrt, Mûş, Mêrdîn, Êlih, Çewlik, Dêrsim, Colemêrg, Bedlîs, Elezîz, Hatay, Kîlîs, Dîlok, Riha.

Di daxuyaniyê de pêşniyar li welatiyan hat kirin bi taybetî neçin ser sînorê Sûriyeyê, nekevin nava girseyên gel, her tim hay ji xwe hebin û li derveyî bûyerên civakî bisekinin.

Wezareta Karên Derve ya DYA, di 4'ê Sibatê de jî heman hişyarî kiribû.