Konseya Aştiyê ya Swêdê ku saziya sîwanî ya 11 rêxistinên aştiyê yên li Swêdê ne, ji hikûmeta Tirk xwest ku dawî li şerê li dijî gel û rêxistinên Kurdan bîne û bang kir ku PKK ji lîsteya 'rêxistinên terorîst' bê derxistin.
Konseya Aştiyê ya Swêdê ku saziya sîwanî ya 11 rêxistinên aştiyê yên li Swêdê ne, ji hikûmeta Tirk xwest ku dawî li şerê li dijî gel û rêxistinên Kurdan bîne û bang kir ku PKK ji lîsteya 'rêxistinên terorîst' bê derxistin.
Konseya Aştiyê ya Swêdê bi vê wesîleyê nameyek weşand û diyar kir ku konsey sazeiyeke ji bo pêkhatina aştiyê, bêçekbûyîn û çareseriya pirsgirêka bi rêyên aştiyane di nava hewldanan de ye. Konseyê da zanîn ku şerê li Tirkiyeyê li dijî gel û rêxistinên Kurdan ji nû ve hatiye destpêkirin, ew êşandiye.
Konseya Aştiyê ya Swêdê xwest PKK ji lîsteya 'rêxistinên terorîst' bê derxistin û ji Neteweyên Yekbûyî, Konseya Ewropa û hikûmeta Swêdê xwest, ku van daxwazan ji Tirkiyeyê bikin:
"Divê mafên neteweyî yên gelê Kurd ku 25-30 mîlyon e bên naskirin û şerê li hemberî gelê Kurd hatiye destpêkirin bê sekinandin.
Li Başûrê Kurdistanê, dawî li qetilkirina sivîlan, bombekirina wargehên PKK'ê qadên sivîlan, tinekirina dewlemendiya xwezayî û avakirina bargehên leşkerî bê anîn.
Ji bo çareseriya bi rêbazên aştiyane, pêwîste Tirkiye PKK'ê weke aliyekî erkdar bibîne û hewldanên girîng ên YPG û YPJ'ê yên ji bo parastina gelên xwe ji DAIŞ'ê têdikoş in, qebûl bike.
Divê xwe ji DAIŞ'ê vegire û tevlî şerê li hemberî terora DAIŞ'ê bibe.
Ji bo şer bi rêbazên aştiyane bê çareserkirin, muzakereyên aştiyê ji nû ve werin destpêkirin û ev yek jî bi qebûlkirina maf û hebûna gelê Kurd bê kirin.
Hemû girtiyên siyasî, rojnamevan, nivîskar werin berdan.
Ji bo hurmet ji yekparebûna xaka Iraq û Sûriyeyê were nîşandan, tevlî karên navxweyî yên van welatên cîran nebe."
Li binê nameyê mora Serokê Konseya Aştiyê ya Swêdê Kemal Gorgu û Alîkara Serok Agneta Norberg hene.
