Li Edena bi armanca protestokirina şidetên li girtîgehan ciwanên ku çalekî li darxisitin li rastî dest werdana polîsan hatin. Gelek ciwan hatin binçav kirin.

Li taxa Şakirpaşa a Edeneyê li ser kolana Ova hejmarekî zêde ciwanên ku hatine gel hev, bi armanca protestokirina şideta li girtîgehan çalekî kirin. Ciwanên ku rêya bingehîn li hatin û çûnê girtin, lastîkên wesayitan şewitandin û dirûşmên ji bo PKK’ê û Rêberê Gelê Kurd Abdullah Ocalan qêriyan.

Polîsên ku hatine cihê boyerê li gel wesayitên zirxî bi ava şil û bombeyên deng êrişî ciwanan kirin. Piştî ku ciwanan êrişa polîsan bi keviran bersiv da, ketine nava taxan, di navbera wan û polîsan de demekî dirêj pejçûnan berdewam kir. Hat ragihandin ku di boyerê de hejmarekî zêde kes hatine binçav kirin. Yên ku hatine binçav kirin û birine karakola polîsan a taxa Şakirpaşa 3 zarok piştî ku îfadeyên wan girtin hatin berdan. Lê ne hat zanîn ka girtiyên din birine kî derê.