Cenazeyê Mawa li Brukselê hate veşartin
Cenazeyê pitika Kurd a 2 salî Mawa ku di dema şopandina polîsan a wesayîtê de jiyana xwe ji dest dabû, bi merasîmekê li Belçîkayê hate veşartin.
Merasîm saet 13:00’an de li Qada Lyce ji aliyê NAV-BEL û Tevgera Jinên Kurd a Belçîkayê (YJK-B) ve hate lidarxistin.
Kurdistanî û Belçîkayî beşdarî merasîmê bûn û merasîm bi meşê dest pê kir.
Girseya gel cilên spî li xwe kirin û kuştina pitika 2 salî ya ji aliyê polîsan ve protesto kirin.
Meş heya Goristana Cchaerberck’ê dom kir. Li goristanê cenazeyê pitika 2 salî Mawa bi dûayan hate veşartin.
