Meşa Demokrasiyê: Nehiştin ku Mêrdînî ji bajêr derkevin
Mêrdîniyên ku xwestin tevlî Meşa Demokrasiyê ya HDP'ê bibin, ji ber astengiyan nekarîn ji bajêr derkevin.
Mêrdîniyên ku xwestin tevlî Meşa Demokrasiyê ya HDP'ê bibin, ji ber astengiyan nekarîn ji bajêr derkevin.
Astengî û êrişên desthilatdariya AKP-MHP'ê yên li dijî Meşa Demokrasiyê ya HDP'ê dewam dikin.
HDP'iyên ku ji Mêrdîn û navçeyên wê ber bi Amedê ve bi rê ketin, ji aliyê polîsan ve hatin astengkirin. Endamên HDP'ê ji Mîdyat, Dêrik, Nisêbîn, Qoser û navçeyên din bi rê ketin, lê belê li ser rêya Mêrdîn û Amedê li bendên kontrolê hatin rawestandin. Destûr ji wan re nehate dayin ku ji bajêr derkevin.
'ASTENGIYA BI KORSANÎ'
Avahiya HDP'ê ya Mêrdînê jî danê sibehê bi wesayitên zirxî û polîsan hate dorpêçkirin.
Hevserokê HDP'ê yê bajêr Salîh Kûday li avahiya partiyê axivî û diyar kir ku bi rengekî korsanî destûr nayê dayin ku ew ji bajêr derkevin û got, HDP wê meşa xwe bidomîne.