Encûmena Rêxistinên Civaka Sivîl ya Merîwanê bi daxuyaniyekê ji gelên Rojhilatê Kurdistanê û Îranê xwest ku bi baykotkirina berhemên dewleta faşîst Tirkiyê re li dijî desthilat û dagirkeriyê rabin.

Di daxuyaniyê de ya bi dirûşma “Em bi baykotkirina berhemên Tirkiyê piştewanê berxwedana Rojava bin” hêrsa li dijî dagirkeriya dewleta Tirk a li Rojavayê Kurdistanê hate destnîşankirin.

Di daxuyaniyê de ji bo boykotkirina malên Tirkiyeyê bang hate kirin û hate gotin, "Her çiqasî peydakirina rêyekî, zehmet xûya bike lê ezmûnên gelên dîtir ên ku di şert û mercên dîrokî û dijwarê bi wê rengî re derbas bûne bersivekî pir kêrhatî û di heman demê de sade ye. Ewê sedî sed di têkoşîna li dijî faşîzma dewleta Tirk pir bibandor be.

Ew rêbaze baykotkirina berhemên curbecur yên dewleta faşîstê Tirkiyê ye. Kurdistan ji mêj we bi sedemên cuda ji berhemên Tirkiyê re her tim bûye bazarekî mezin. Baykot rêyeke ku ji şîdetê dûr e û ji aliyê gelên ku ji pergala heyî ya xwînrêj hêrs bûye û bi hêviya cîhanekî dûrî şer, desthilat û dagirkeriyê dixwazin hurmetên mirovî weke alternatîfa wê bingeh bigirin û di cîhanekî tije heskirin û pewrejiyanî de bijîn.

Di daxuyaniyê de bal hate kişandin ser rêbazê têkoşîna li dijî şerê newekhev ê Erdoganê kujerê zarokan ya li hemberî gelên Rojavayê Kurdistanê daye destpêkiirn û wiha pê de çûye: “Em û hemû mirovên ku xwedî fikrê azadin bi çend rê û rêbazên sade û bê mesref, helwestekî birûmet û cureyekî din ê têkoşîna Sivîl li dijî dagirkeran meşq bikin û biceribînin. Em dikarin hêza hevgirtinî û hevderdiya xwe nîşanî cîhanê bidin, bi kiryarên xwe biqîrin û bêjin ku em çi wextî bixwazin em dikarin. Hûnê bibînin ku vîna gel çawa hevsengiya siyasî ya xelet ji hev belav bike.

Her wiha di daxûyaniyê de hatiye gotin: “Lewre em çend rêbazan dijmêrin û her kesî davetî pêkanîna wê dikin.

-              Baykotkirina her cure berhemên Tirkiyeya faşîst bi armanca lewazkirina lingên aboriya ku ji bo pêkanîna komkujiya mirovên bêguneh dikin fîşek û mûşek.

-              di çarçoveya pêşîlêgirtina belavbûna çanda faşîstî û şîdetxwaziya ku di nava wan berhemên dijîçandî hatine nixumandin de reşkirina qenalên Tirkî ji cîhazên satalîtê (weke CEM TV û …) û her wiha hemû qenalên ku fîlm û rêzefîlmên Tirkiyê diweşînin.

-              Bikarneanîna nav û etîketên Tirkî ku nîşanderê çand û nirxên faşîzma ku li ser Tirkiyeyê serwere ye.

-              Neçûyîna Tirkiyê û bikarneanîna rêyên hevayê yê wê welatî. Em ji şîrketên firokewanî û geştyariyê daxwaz dikin ku tevlî vê tevgera civakî û nerazîbûnê bibin û torên geştyariyên xwe ya ji bo Tirkiyê betal bikin.

-              Bazirgan li şûna anîna berhemên Tirkiyê hewlbidin ji welatên din berheman bînin. Divê şîrketên sevqiyatî û barbirinê jî berhemên Tirkî bar nekin. Baştire ku ew hewldane bi dilxwazî be, ji ber ku bixwazî yan nexwazî vê tevgera gel wana mecbûrî wê yekê bike.

-              A niha gelek gelan dest bi baykotkirina berhemên Tirkiyê kirine û divê em jî hemwext bi wan re di wê rêyê de gav biavêjin. Bi li berçaw girtina wê yekê ango aboriya Tirkiyê li ser bingehê cil, hindek madeyên xwarinî û tûrîzmê li ser piya dimîne lewre gumana we nebe ku tevlîbûna me ya nava wê çalakiya baykotkirinê dê aboriya sist a Tirkiyê bi krîzekî cidî re rû bi rû bike. Ew jî tê wê wateyê ku vê her biçe faşîzm lewaz bike û ji dagirkeriyê û tecavûzê gav paşve biavêje û di dawiyê de wê birûxe.

-              Em li hemberî dîrok û mirovatiyê erkdarin ku li dijî dewleta faşîstê Tirkiyê derkevin, keramet û rûmeta me girêdayî têkoşîna li dijî sitemkar û parastina bindestan e.”

Di dawiya daxûyaniyê de navê sazî û rêxistinên ku di vê çalakiyê de cih girtine wiha hatiye rêzkirin:

-              Meclîsa Rêxistinên Civaka Sivîl a Merîwanê

-              Navenda Çand û Hûner a Vejîn

-              Yekîtiya Zanayên Olî yê Merîwan û Hewraman (YZOMH)

-              Encûmena Çandî û Vêjeyî ya Rociyar

-              Encûmena Çînî ya Mamosteyên Merîwanê

-              Encûmena gel a Pêşîlêgirtina Girêdan a bi Madeyên Hişbir (Jiyanewe)

-              Encûmena Çand û Hûnera Merîwan

-              Navenda Zanist û Çandî ya Rûnan