Navenda Ragihandinê ya Hêzên Sûriyeya Demokratîk (QSD) bi daxuyaniyekê aşkera kir ku şaneyên çeteyên DAIŞ'ê li dijî wesayîteke Meclisa Sivîl a bajarokê Mihêmîde yê Dêrazorê êrişek pêk anî û di encamê de karmendek şehîd bûye.

Li gorî daxuyaniyê êriş roja Sêşemê pêk hatiye, 2 çeteyên li ser motorsîkletekê gule li wesayîtê reşandine û di encamê de karmendekî sivîl şehîd bû. Hate zanîn ku çete reviyane.

QSD`ê ragihand ku yekîneyên wan bi hevkariya Hêzên Ewlekariya Hundirîn li herêmê ji bo şopandina çeteyan dest bi operasyoneke berfireh kiriye.