Artêşa Tirk doh danê nîvro li derdora gundê Hespistê yê navçeya Hezexê ya Şirnexê dest bi êrîşan kir û êrîş hîn jî dewam dikin.

Leşkerên Tirk dor li gund pêçane û nahêlin kes ji gund derkevin an jî bikevin nava gund. Ji ber vê yekê jî gundî li pêşiya gund hatine rawestandin û nikarin biçin malên xwe. Di serdegirtinê de li hin malan lêgerîn hate kirin.

Dorpêça li ser gund heta evarê dewam kir. Piştre jî leşker ji nava gund çûn û li derdora gund bi cih bûn.

Nîvê şevê dengê çekan hate bihîstin û leşker careke din ketin nava gund. Leşker tevahiya şevê li ser dêr û malên li gund bi cih bûn û serê sibehê xwe ji gund vekişandin.

Li aliyê din li taxa Atakentê ya li navçeya Hezexê serê sibehê di serdegirtina malekê de Nûsrettîn Kaya hate binçavkirin.