Yaşar Guler têkildarî pêvajoyê daxuyanî da. Guler êrîşên artêşa Tirk ên ku tevî biryara agirbestê ya PKK’ê jî dewam dikin, ji nedîtî ve hat û ev tişt dubare kir: “Divê çekên xwe radest bikin.”
Wezîrê Parastinê Yaşar Guler beşdarî merasîmeke li Enqereyê bû û têkildarî pêvajoyê daxuyanî da. Yaşar Guler ji bo banga Rêber Apo ya ‘Aştî û Civaka Demokratîk’ got, “Hêja ye.” Yaşar êrîşên dewleta Tirk ên tevî biryara agirbestê ya PKK’ê jî dewam dikin, ji nedîtî ve hat û têkildarî biryara agirbestê ya PKK’ê gotina jiberkirî dubare kir: “Divê bê şert û merc çekan berdin.”
HEM ÊRÎŞ, HEM JÎ ‘XWIŞK-BIRATÎ’
Guler li aliyekê sînyalên ew ê şer bidomînin da û li aliyê din jî ev îdîa kir: “Ji bo xurtkirina xwişk-biratî û yekîtiya me, em ê hewl bidin. Di sedsala duyemîn a Komara me de em Tirkiyeya hîn xurttir bi hev re ava bikin.”
