TJA'yê ji bo parêzer Nesrîn Sotudeh ku 38 ceza lê hatiye birîn, bang ki ku her kes lê xwedî derkeve.

TJA'yê got jinên ku li dijî pergala zextê û newekhev li her zemînê serî radikin û têkoşîna azadiyê didin, cezayên herî giran li wan tê birîng û got,''Ji ber ku jinên ku li dijî destmalê çalakî dikirin û siyasetmedarê muxalîf diparast, 38 sal cezayê girtîgehê û 148 qamçî li parêzer û parêzvana mafê mirovan Nesrîn Sotudeh hate birîn.''

Di daxuyaniyê de wiha hate gotin: ''Em TJA li têkoşîna  hemû jinên ku li Rojhilata Navîn li dijî zext û êrîşên hişmendiya zilam serwer disekinin, xwedî derdikevin. Em destekê didin kampanyaya îmzeyê ya bi navê 'change.org' a ji bo Nesrîn Sotoudeh û bang li her kesî dikin ku destekê bidin. Nesrîn bê şert û merc demildest divê were berdan.''