Zêdeyî 100 jinên li Rennesê li hev civiyan, kongreya xwe lidar xistin û meclîsa xwe ava kirin.

Civîn bi deqeyeke rêzgirtinê ji bo bîranîna şehîdên şoreşa Kurdistan û cîhanê destpê kir. Piştre Axîn Gulo mafê axaftinê wergirt û bal kişand ser têkoşîna jinan a li refên pêş ên li Rojava û Bakurê Kurdistanê. Gulo destnîşan kir, ku pêwîstîp ê heye jinên Kurd ên li Ewropayê dijîn, li her cihê lê ne xwe bi rêxistin bikin.

Di kongreyê de peyama Rêberê Gelê Kurd Abdullah Ocalan a li ser 8'ê Adarê hat xwendin û li ser pêvajoya dawî nîqaş hatin kirin.

Di civînê de bi wergirtina biryara meclîsbûyînê re komîsyon hatin avakirin û di van komîsyonan de 46 jinan cih girtin.

Ji bo berdevkiya Meclîsê jî Kiymet Kiliç, Beyhan Çîftçî û Ayşe Kars hatin hilbijartin.

Civîn bi qîrîna dirûşmên "Jin jiyan azadî" û "Bijî Serok Apo" bi dawî bû.