Li bajarê Elmanya Stûttgartê, mîna her Çarşema destpêka mehê duh jî çalakiya 'ronîkirin û edaletê' hat lidarxistin.

Çalakî ji aliyê Navenda Civaka Demokratîk a Kurd li Stûttgartê û Meclîsa Jinê ya Esslîngenê li ber Konsolosxaneya Fransayê ya li Stûttgart Berlîna Platzê hat lidarxistin.

Girseya gel tevî alên KJA'yê, wêneyên ji damerînerên PKK'ê Sakîne Cansiz, nûnera KNK'ê ya Parîsê Fîdan Dogan û endama Tevgear Ciwanan Leyla Şaylemez hilgirt. Girseyê dirûşmên "Jin jiyan azadî", "Hevrê Sakîne, Leyla, Fîdan dijîn" qîriya.

Di axaftinên li çalakiyê de hat gotin, "Sara, Rojbîn û Ronahî rûmeta me ne û lêgerîna li edaletê armanca me ye."