Komeleya Jinê ya Rosa, bi hevkariya hemû saziyên civaka sivîl ên Amedê 'Tevna Li Dijî Tundiya Li Jinê' ava kirin û îro li avahiya Cemiyeta Rojnamegerên Başûr-rojhilat (GGC) civîna çapemeniyê pêk anîn.

Di daxuyaniyê de Seroka Navenda Parastina Mafê Jinê ya Baroya Amedê Asli Pasinli daxuyanî xwend û da zanîn ku tevna navborî ji hêla van saziyan ve hatiye avakirin: "Komalaya Jinan Rosa, Nevenda Şêwr û Parastina Mafê Jinan a Baroya Amedê, Komîsyona Jinan a Mafê Mirovan, Komîsyona Jinan a Odeya Tabîban a Amedê, Şaxa Egîtîm Senê, Şaxa SES’ê, Înîsîyatîfa Psîkologên Mezopotamyayê ya Amedê, Şaxa Komeleya Pisporên Xizmeta Civakî."

Hinek xalên ku di Protokola hevbeş a tevna têkoşîna li dijî tundiyê de cih digirin wiha ne: 

"*Pêkhate, bêyî ku ferqê bixin nav ti kesî, bi armanca têkoşîna li dijî tundiya li ser jinê ya di nava sînorê Amedê de li hev dicivin. 

*Pêkhate, di dorhêla armancên hevpar de wê bi hev re tevbigerin û bi hev re di nav tevkariiyê de bin, bingeheke hevpar a agahî û daneyan çêbikin. Di vê mijarê bi pêşberînî garantî didin hev."