Li bajarê Elmanya Dortmûndê, Meclîsa Jinê ya Rozerîn kongreya xwe lidar xist. Kongre bi beşdariya 150 delegeyan, di şexsê Asya û Pakîze Nayir de bi deqeyeke rêzgirtinê ji bo bîranîna şehîdên berxwedana xwerêveberiyê destpê kir.

Piştî hilbijartina dîwanê, li ser navê TJK-E axaftin hat kirin û rewşa dawî ya siyasî hat nirxandin.

Dûre rapora karê salekê hat xwendin û nirxandin. Paşê meclîsa ji 48 kesan hat hilbijartin û komîsyonên rêxistinbûyîn, karên derve, civakê, jinên ciwan, çand, malbatên şehîdan, bawerî û perwerdeyê hatin avakirin.

Ji bo berdevkiya meclîsê jî Cennet, Gulnaz û Fatma hatin hilbijartin.

Piştî bidawîbûna kongreyê, rojbûna Rêberê Gelê Kurd Abdullah Ocalan hat pîrozkirin.